Сардоба, Оқолтин ва Мирзаобод туманларининг 12та аҳоли пунктида электр таъминоти тўлиқ тикланди

Сардоба, Оқолтин ва Мирзаобод туманларининг 12та аҳоли пунктида электр таъминоти тўлиқ тикланди. Бу ҳақда Энергетика вазирлиги хабар бермоқда.

Фото: Энергетика вазирлиги матбуот хизмати

Қайд этилишича, бугунги кунга қадар 3 дона подстанция, 92 дона трансформатор пункти ва 273,0 км электр узатиш тармоқларида (4 963 та электр устунлар) таъмирлаш тиклаш ишлари олиб борилиб, тўлиқ ишга туширилди.

Натижада, 7 987 та электр таъминоти узилган аҳоли хонадонларидан (сув етиб бормаган ҳудудлар аҳолисини хавфсизлик учун электр таъминотидан узиб қўйилганлар билан 12 000 дан ортиқ) 7 987 таси ҳам электр энергия билан таъминланди.

Сув тошқини натижасида талафот кўрган 12 та аҳоли пунктида электр ускуналарга зарар етганди. Бугунги кунда мазкур 12 та аҳоли пункти барқарор электр энергияси билан таъминланди.