Ўзбекистонда апрель ойида 76 киши ЙТҲ оқибатида ҳалок бўлди

Содир этилган йўл-транспорт ҳодисалари сони 336тани ташкил этди, шундан ўлим билан боғлиқ ЙТҲлар - 64та.

Фото: kp.ru

Ўзбекистон Республикаси ИИВ ЙҲХББ ахборот хизмати Ўзбекистон ҳудудида 2020 йилнинг 1-30 апрель кунлари содир этилган йўл-транспорт ҳодисалари ҳақида маълумот берди.

Қайд этилишича, содир этилган йўл-транспорт ҳодисалари сони 336тани ташкил этди, шундан ўлим билан боғлиқ ЙТҲ - 64та.

Йўл-транспорт ҳодисалари оқибатида 76 киши вафот этди, 334 нафар фуқаро тан жароҳати олди. Болалар иштирокида 38та, пиёдалар иштирокида 168та, маст ҳайдовчилар иштирокида 8та, оғир оқибатли 4та ЙТҲ рўй берди.