АҚШда коронавирус қурбонлари хотирасига 3 кун давомида байроқлар тушириб қўйилади

АҚШда коронавирус қурбонлари хотирасига 3 кун давомида байроқлар тушириб қўйилади. Бунга АҚШ президенти Дональд Трамп кўрсатма берган.

Бу ҳақда Трампнинг ўзи твиттерда маълум қилди.

“Биз коронавирус сабабли йўқотган барча америкаликлар хотирасига федерал бинолар ва миллий диққатга сазовор жойларда кейинги 3 кун давомида байроқларни туширтираман”, деб ёзган Трамп ўз хабарида.

Шунингдек, байроқлар АҚШда 25 май куни нишонланадиган уруш қурбонлари хотира кунида ҳам туширилган ҳолда қолади.

Охирги маълумотларга кўра, АҚШда коронавирусдан вафот этганлар сони 96 мингдан ошиб кетди.

Тайёрлаган Шуҳрат Раҳимов

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.