Бакалавриат ва магистратура квоталарининг таълим йўналишлари бўйича тақсимоти маълум бўлди

Унга кўра, бу йил давлат буюртмаси асосида бакалавриатнинг кундузги таълим шаклига 103 575 нафар талаба қабул қилинади.

Шундан 23 495 нафар талаба грант асосида, 80 080 талаба тўлов-контракт асосида ўқишга қабул қилинади.

Сиртқи таълим шакли учун жами 31 350та, кечки таълим шаклига 5 025та квота ажратилган.

Бакалавриатга қабул квоталарининг ОТМлар, таълим йўналишлари ва ўқитиш тиллари бўйича тақсимоти билан қуйидаги файлларни юклаб олиш орқали танишишингиз мумкин:

• Кундузги таълим шакли (.pdf)
• Сиртқи таълим шакли (.pdf)
• Кечки таълим шакли (.pdf)

Қайд этиш жоиз, ушбу ўринлар фақат давлат буюртмаси асосидаги квоталар бўлиб, ОТМлар ўз имкониятидан келиб чиққан ҳолда супер-контракт асосида қўшимча ўринлар ажратиши мумкин.

Бу йил магистратурага республика бўйича жами 10 425 нафар талаба қабул қилинади. Шундан 5 475 нафари грант, 4 950 нафари тўлов-контракт асосида таҳсил олади.

• Магистратура квоталари: мутахассисликлар ва тиллар кесимидаги тақсимот (.pdf)