Мазкур ҳудудда яшовчи ҳинду қабилалари аъзолари Оклаҳома бюджетига солиқ тўлаш мажбуриятидан озод қилинади.
Оклахома ҳиндулари / Фото: AFP
АҚШ олий суди Оклаҳома штатининг ярмини туб америкаликларга тегишли деб тан олди. Бу ҳақда суд қарорига асосланиб BBC News хабар берди.
Олий суд қарорига мувофиқ, эндиликда Оклаҳома штатининг шарқий ҳудудлари ҳиндулар ери деб ҳисобланади. Қайд этилишича, ушбу ҳудудда 1,8 млн киши яшайди, уларнинг 15 фоизи туб америкаликлардир.
Энди Оклаҳоманинг шарқий қисмида яшайдиган туб америкаликларни жиддий қонунбузарликлари учун штат суди эмас, федерал судлар суд қилиши мумкин. Бундан ташқари, мазкур ҳудудда яшовчи ҳинду қабилалари аъзолари Оклаҳома бюджетига солиқ тўлаш мажбуриятидан озод қилинади.
