Россия 15 июлдан халқаро авиақатновларга қўйилган чекловларни бекор қилишни бошлайди
Бош вазир ўринбосари Татьяна Голикованинг сўзларига кўра, авиақатновлар COVID-19га чалиниш ҳолатлари 100 минг кишига 40тадан ошмаган мамлакатлар билан йўлга қўйилади.
Россия ҳукумати 15 июлдан хорижга парвозларга қўйилган чекловларни босқичма-босқич бекор қилишни бошлайди, деди мамлакат бош вазири ўринбосари Татьяна Голикова.
"Россияда анчадан буён касалланиш даражаси ва янги коронавирус инфекцияси аниқланиши ҳолатлари пасайиши кузатилмоқда", — деди у.
Голикованинг сўзларига кўра, авиақатновлар COVID-19га чалиниш ҳолатлари 100 минг кишига 40тадан ошмаган мамлакатлар билан йўлга қўйилади.
У авиация раҳбариятига музокаралар бошлаш ва қайси мамлакатлар бу кўрсаткичга тўғри келишини аниқлашни таклиф қилди.
COVID-19 пандемияси сабабли Россия 27 мартдан бошқа мамлакатлар билан мунтазам ва чартер авиақатновларни тўхтатганди.
Аввалроқ бош вазир ўринбосари Дмитрий Чернишенко чегараларнинг очилиши эпидемиологик вазиятга боғлиқ эканлигини айтганди.
Мавзуга оид
20:45
Зеленский Россия билан музокара учун «учта банд» тайёрлаётганини маълум қилди
17:47
Украинадаги урушнинг ҳозирги палласи: экспертлар шарҳи
15:30
Москва Россия бозорини тарк этган хорижликлар учун тўловни оширмоқчи
14:30