Сирдарёда коронавирус беморларини даволаш учун қўшимча 1500га яқин ўрин-жойлар ташкил этилди

Kun.uz мухбири хабар қилишича, бугунги кунга қадар вилоят кўп тармоқли тиббиёт марказида 200та, вилоят сил касалликлар диспансерида 235та заҳира ўрин-жойлари мавжуд бўлган, уларга қўшимча равишда яна 1500га яқин вақтинчалик ўрин-жойлар ташкил этилган.

• Вилоят эндокринология диспансерида 100та; 
• Гулистон шаҳар тиббиёт бирлашмасида 100та; 
• Ширин шаҳар тиббиёт бирлашмасида 15та; 
• Боёвут туман тиббиёт бирлашмасида 30та; 
• Гулистон туман тиббиёт бирлашмасида 20та; 
• Оқолтин туман тиббиёт бирлашмасида 15та; 
• Сирдарё туман тиббиёт бирлашмасида 30та;
• Сардоба туман тиббиёт бирлашмасида 20та;
• Гулистон давлат университети ётоқхонасида 853та;
• Янгиер шаҳридаги хусусий тиббиёт муассасасида 10та вақтинчалик ўрин-жойлар мавжуд.