ОТМларнинг иккинчи ва ундан юқори курс талабалари учун янги ўқув йили 2 сентябрдан, масофавий тарзда бошланади. Ўқишга янги қабул қилинган 1-курс талабалар учун дарслар эса 1 октябрдан бошланиши режалаштирилган.
![](https://storage.kun.uz/source/6/eJcdzfC-rgbs6ru7Ilf7ljoijlZrIMdL.jpg)
Олий ва ўрта махсус таълим вазири ўринбосари Ўктам Саломовнинг сўзларига кўра, октябрга келиб эпидемиологик вазият барқарорлашса, ОТМларнинг барча босқичлардаги талабалари анъанавий ўқув режимига қайтиши мумкин.
«Агар эпидемиологик шарт-шароит тўғри келмайдиган бўлса, у ҳолда 1-курсларни ҳам масофавий таълим шаклига ўтказиб, таълимни бошлайверамиз», – деди вазир ўринбосари 7 август кунги матбуот анжуманида.
Анжуманда кириш тест синовлари 2 сентябрдан бошлаб ўтказилиши ва 2 ҳафта ичида якунланиши маълум қилинди.