Сирдарёда «Нексия» ва «Исузи» иштирокидаги ЙТҲда бир киши вафот этди

Енгил автомашина йўловчиларидан бири олган тан жароҳатлари туфайли ҳаётдан кўз юмди.

Фото: Сирдарё вилояти ИИБ Ахборот хизмати

2020 йил 13 август куни соат 18:00да М.А. бошқарувидаги оқ рангли "Нексия-1" русумли автомашинасида Сирдарё шаҳри "Баҳор" маҳалласи ҳудудидан ўтувчи 4Р-29 автойўлининг "Сирдарё-Гулистон" йўналиши 2-км.да ҳаракатланиб кетаётган бўлган.

Сирдарё вилояти ИИБ ахборот хизмати хабарига кўра, у "Синдаробод-Сирдарё" йўналиши бўйича ҳаракатланиб келган М.С. бошқарувидаги, Сирдарё тумани ободонлаштириш бошқармасига тегишли оқ рангли "Исузи" русумли автомашинанинг олди қисмига урилиб, руль бошқарувини йўқотиб ЙТҲ содир этган.

Натижада, "Нексия-1" русумли автомашина йўловчиси А.И. олган тан жароҳатининг оғирлик даражасидан вафот этган.