Тошкентда Мухтор Ашрафий кўчасининг маълум қисми вақтинча ёпилмоқда

Тирбандликларнинг олдини олиш мақсадида ҳайдовчиларга вақтинча айланма йўллардан фойдаланиш тавсия қилинган.

Тошкент шаҳар Яшнобод туманида йўл-таъмирлаш ишлари олиб борилади. Бу ҳақда пойтахт ҳокимлиги матбуот хизмати хабар бермоқда.

Қайд этилишича, шу муносабат билан жорий йилнинг 16 сентябрь куни соат 11:00га қадар Мухтор Ашрафий кўчасининг Фарғона йўли кўчасидан Алимкент кўчасигача бўлган қисми бўйлаб ҳаракатланиш йўлнинг битта чизиғи орқали амалга оширилади.