Францияда коронавирус сабабли янги чеклов чоралари кучга кирди

Ўтган ҳафтада Франция соғлиқни сақлаш вазири Оливье Веран мамлакат аҳолисини ижтимоий мулоқотларни имкон борича камайтиришга чақирганди.

Фото: Reuters

Коронавирус билан боғлиқ вазият ёмонлашгани сабабли Франциянинг 10та шаҳрида янги чеклов чоралари кучга кирди, деб хабар бермоқда Франция ОАВ.

Хусусан, байрам ва кўнгилочар тадбирлар, жумладан, тўйлар, фестиваллар, базмлар ўтказиш тақиқланди.

Қаҳвахона ва барларга соат 22:00дан эрталаб 6:00гача ишлаш мумкин эмас.

Кинотеатр, музей ва театрларга хавфсизлик талабларига қатъий амал қилган ҳолда ишлашга рухсат берилди.

Пандемия бошланганидан буён Францияда коронавирус юқтириш билан боғлиқ 540 мингга яқин ҳолат қайд этилган, 31 мингга яқин киши вафот этган.

Тайёрлаган Дилшод Аскаров

#Франция #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.