Тошкент метросининг «Пахтакор» ва «Халқлар дўстлиги» бекатлари оралиғида ҳаракат тезлиги чекланганига изоҳ берилди

Ҳозирги вақтда «Пахтакор» ва «Халқлар дўстлиги» бекатлари оралиғидаги ер усти ҳудудида «Тошкент Cити» халқаро бизнес марказининг қурилиши олиб борилмоқда, кўп қаватли бинолар барпо этилмоқда, деб ёзади «Тошкент метрополитени» УК.

Қайд этилишича, метрополитен иншоотларига қўшимча босим таъсири ортишининг олдини олиш мақсадида ушбу йўналиш бўйлаб метро поездларининг ҳаракатланиш тезлиги камайтирилган.

«Халқлар дўстлиги» бекатидан «Пахтакор» бекатигача асосий қурилиш ишлари бажарилган ва поездларнинг лойиҳада белгиланган тезлиги тикланган.

«Пахтакор» бекатидан «Халқлар дўстлиги» бекатларигача қурилиш ишлари давом эттирилмоқда ва шу сабабли поездларни ҳаракат тезлиги камайтирилган.

Метрополитен поездларининг белгиланган ҳаракат тезлиги қурилиш ишлари тўлиқ якунлангандан сўнг тикланиши айтилади.

«Тошкент метрополитени» УК келтирилган вақтинчалик ноқулайлик учун узр сўраган.