Туркия С-400 тизимини синовдан ўтказишни бошламоқда
Қайд этилишича, синовлар вақтида кузатув постидаги қўмондонлар ҳар бир ракета учирилишидан икки соат аввал Туркия президентининг рухсатини олишлари лозим бўлади.
Туркия қуролли кучлари Россиядан сотиб олинган С-400 ракетага қарши мудофаа тизимини синовдан ўтказишни бошлайди. Бу ҳақда Turkish Minute нашри хабар берди.
Хабарда айтилишича, С-400 тизимини синовдан ўтказиш учун Синоп ракета полигонига 10 дона Banshee ҳаво нишонлари келтирилади. Синовлар 5 октябрдан 16 октябргача ўтказилади.
Қайд этилишича, синовлар вақтида кузатув постидаги қўмондонлар ҳар бир ракета учирилишидан икки соат аввал Туркия президентининг рухсатини олишлари лозим бўлади.
С-400 батареиялари, 10 дона ҳаво нишони ва бошқа керакли қурилмалар 5 октябрь куни Муртад авиабазасидан Синопга келтирилиши керак эди.
Нашрнинг эслатишича, Туркиянинг Россия зенит ракета тизимларини сотиб олиши унинг АҚШ томонидан бешинчи авлод F-35 қирувчи самолётларини яратиш дастуридан чиқариб юборилишига сабаб бўлган.
Мавзуга оид
00:05
Туркия мудофаасининг харажатлари рекорд даражада ошади
18:44 / 16.10.2024
Туркия шарқида яна кучли зилзила содир бўлди
12:10 / 16.10.2024
Туркия Марказий Осиёни “Туркистон” деб атамоқда: ташқи дунёнинг муносабати қандай?
20:33 / 12.10.2024