Қўшимча функционаллар
-
Тунги кўриниш
Трамп коронавирус юқтирганидан кейинги илк сайловолди митингини ўтказди
Трамп ўз нутқида маъмурияти эришган ютуқларни санади ва демократлар номзоди Жо Байденни танқид қилди.
Фото: Reuters
АҚШ президенти Дональд Трамп коронавирус юқтиргани маълум бўлганидан буён илк сайловолди митингини ўтказди.
"Ўзимни аъло даражада ҳис қиляпман", - деди у Оқ уй боғида тўпланганларга балконда туриб.
Сўнгра эса маъмурияти эришган ютуқларни санади ва демократлар номзоди Жо Байденни танқид қилди.
Трампнинг тарафдорлари унинг сўзларини қизғин қаршилашди ва уни "Биз сизни яхши кўрамиз" деб олқишлашди.
"Бу мамлакатимиз тарихидаги энг муҳим сайлов бўлади. Албатта овоз беринг. Билингки, мен ҳам сизларни яхши кўраман", - деди у.
Трампнинг нутқи 20 дақиқага яқин давом этди.
Ўтган ҳафтада Дональд Трамп ва унинг турмуш ўртоғи Меланья коронавирус юқтиргани маълум бўлганди. АҚШ президенти шифохонага ётқизилди, аммо уч кундан сўнг унга жавоб берилди.
Чоршанба куни Трамп Оқ уйдаги ишига қайтди.
Мавзуга оид
15:52 / 19.08.2023
Одам танламайдиган “ҳуқуқий машина”. Трамп нега таъқиб қилинмоқда?
15:51 / 14.04.2022
Байден ортидан Трамп ҳам Украинада тинч аҳоли ўлдирилишини геноцид деб атади
19:04 / 17.03.2022
Трамп Россиянинг Украинага кирганидан ҳайрон бўлганини айтди
21:10 / 09.02.2022