Олимлар COVID-19ни беш дақиқада аниқлайдиган тест ишлаб чиқишди

Қайд этилишича, янги тест COVID-19ни аниқлашда юқори аниқликка эга, бундан ташқари, у мазкур вирусни бошқа касалликлардан фарқлай олади.

Фото: Globallookpress.com

Оксфорд университети олимлари коронавирус инфекциясини беш дақиқада аниқлайдиган тест ишлаб чиқишди, деб хабар бермоқда Reuters.

Олимлар бу ихтиродан аэропорт ва компанияларда оммавий экспресс-тест ўтказишда фойдаланиш мумкинлигини айтишмоқда.

Уларнинг қўшимча қилишларича, тестнинг тажрибавий намунаси 2021 йил бошларида ишлаб чиқарилади. Яна олти ойдан кейин эса тасдиқланган модели тақдим этилади.

Тайёрлаган Дилшод Аскаров

#тест #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.