Марчелло Липпи мураббийлик фаолиятини якунлади

«Ювентус» клуби ва Италия миллий жамоасининг собиқ устози Марчелло Липпи мураббийлик фаолиятини якунлаганини эълон қилди.

«Мураббийлик фаолиятимни якунлаганимни маълум қиламан. Бошқа вазифаларда ишлашга келсак, буни кўриб чиқамиз. Ҳозирча гапириш бефойда, баҳоргача ҳеч нарса бўлмайди», – дея италияликнинг сўзларини келтиради Radio Sportiva.

Эслатиб ўтамиз, Липпининг сўнгги иш жойи Хитой миллий жамоаси (2016-2019) эди.

72 ёшли мутахассис 2006 йили Италия миллий жамоасини жаҳон чемпионига айлантирган. «Ювентус» унинг қўл остида 5 бор А Серияда ва 1996 йилги Чемпионлар Лигасида зафар қучган.