«Ўзметкомбинат» АЖ: металлолом топшириб, яхши даромадга эга бўлинг!

Аксарият турдаги бизнесларни бошлаш учун озми-кўпми сармоя керак. Аммо шундай бизнеслар ҳам борки, деярли ноль сармоя билан бошлаб, миллионлар ишлаб топиш мумкин. Мисол учун, кўпчилик хонадонларда, корхоналарда вазифасини аллақачон ўтаб бўлган турли-туман темир жиҳозлар, металл парчалари мавжуд бўлиб, улар нафақат жой эгаллаб туради, балки аста-секин занглаб, кўнгилни хира қилувчи манзара ҳосил қилади. Ҳолбуки, ана шу металлар керакли жойга топширилса, халқ хўжалиги учун керакли маҳсулот ишлаб чиқариш билан бирга, яхшигина даромад ҳам келтириши мумкин.

Кeлинг, мумкин бўлган даромадни ҳисоб-китоб қилиб кўрамиз!

«Ўзметкомбинат» АЖ жисмоний шахслар учун супер таклиф, яъни топширилган металлоломнинг ҳар бир килограмми учун 800 сўмдан нарх белгилаган бўлиб, 200 килограммдан ортган вазндаги металлолом учун манзилингиздан олиб кетиш имконияти мавжудлигини эълон қилади.

Юридик шахслар учун эса «Ўзметкомбинат» АЖ топширилган металлоломнинг ҳар бир килограмми учун 1000 сўмдан қабул қилиш таклифини билдиради.

Демак, агар сиз юридик шахс сифатида рўйхатдан ўтган бўлсангиз, у ҳолда топширилган 1000 кг металл парчалари учун 1 миллион сўм ишлаб оласиз. Металл парчалари оғир буюм бўлганлиги учун 1000 кг металл парчаларини йиғиш унчалик ҳам машаққатли иш бўлмайди.

1000 кг – 1 миллион сўм;
10.000 кг – 10 миллион сўм;
100.000 кг – 100 миллион сўм!

Биз ишонамизки, кичик қишлоғингизнинг ўзидан бемалол 100 тоннадан ортиқ турли-туман темир жиҳозлар, металл парчаларини тўплай оласиз! Фақат, буни тўғри йўлга қўйсангиз бас!

«Ўзметкомбинат» АЖ сиз топширган металлоломни қайта ишлаб, ундан республика эҳтиёжи учун манфаатли бўлган бир неча турдаги маҳсулотларни ишлаб чиқаради. Хусусан, комбинатда иккиламчи қора металлдан қурилиш учун зарур бўлган арматура ва бошқа маҳсулотлар ишлаб чиқарилади.

Қизиқдингизми? Бугундан бошланг!

«Ўзметкомбинат» АЖ билан кўплаб бошқа соҳаларда ўзаро манфаатли ва даромадли ҳамкорлик қилишингиз мумкин.

«Ўзметкомбинат» AЖда халқ истеъмолига мўлжалланган кенг турдаги хўжалик молларидан ташқари республикамизда фаолият юритаётган қурилиш саноати компаниялари учун базальт асосидаги иссиқлик ўтказмас материаллари, пўлат симлар ва арматура, cирланган пўлат буюмлар, пайвандлаш электродлари ҳамда тўрсимон ва тиканли симлар шунингдек, кенг турдаги бошқа металл маҳсулотлар ишлаб чиқарилади.