Қўшимча функционаллар
-
Тунги кўриниш
ИИВ ижтимоий тармоқларда ислом динига ёт бўлган ғояларни тарғиб қилиш оқибатларидан огоҳлантирди
Ўзбекистон Республикаси Ички ишлар вазирлиги айни кунларда ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалаётганига эътибор қаратди. Вазирлик матбуот хизмати ислом динига ёт бўлган ғояларни тарғиб қилувчи маълумотлар тарқатиш қонунчиликда жавобгарлик белгиланганидан огоҳлантирган.
«Шу муносабат билан, ижтимоий тармоқ фойдаланувчиларига турли радикал, диний экстремистик ва ислом динига ёт бўлган ғояларни тарғиб қилувчи маълумотларни тайёрлаш, сақлаш ва тарқатиш Ўзбекистон Республикаси Жиноят кодексининг 156-модда (Миллий, ирқий, этник ёки диний адоват қўзғатиш), 244 прим 3-модда (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш)ларида белгиланган жавобгарликка тортилишига сабаб бўлиши ҳақида огоҳлантирамиз.
Юқоридагиларни инобатга олган ҳолда ижтимоий тармоқ фойдаланувчиларини (журналист, блогер ва фуқаролар) омма эътиборига ҳавола қилинаётган маълумотларни, аввало, қонунга хилоф эмаслигини ўрганиб чиқишингизни сўраймиз», – дейилади вазирлик хабарида.
Мавзуга оид
17:21 / 26.08.2023
АҚШ Халқаро ривожланиш агентлиги Ички ишлар вазирлигига 50 минг долларлик техникалар берди
16:19 / 28.07.2023
Ўзбекистонда ягона «112» тезкор рақами ва диспетчерлик тизими ишга туширилади
16:12 / 28.07.2023
Ички ишлар вазири ўринбосарларидан бири ишдан олинди
16:31 / 04.03.2023