Қўшимча функционаллар
-
Тунги кўриниш
ОАВ: Россия парламенти ижтимоий тармоқларга қарши санкция қўллашни ўрганмоқда
Россиялик депутатлар Youtube ва Twitter каби йирик ижтимоий тармоқларга таъсирчан санкция жорий этишни назарда тутувчи қонун лойиҳасини тайёрламоқда. Бунга тармоқлар томонидан русларнинг тарғибот медиа маҳсулотлари цензура қилинаётгани сабаб бўлган.
Фото: Shutterstock
Хорижий ижтимоий тармоқларга санкция қўллашни назарда тутадиган қонун лойиҳаси 19 ноябр куни Россия парламентининг қуйи палатасига муҳокама учун киритилиши кутилмоқда. Бунда ижтимоий тармоқлар томонидан цензурага йўл қўйилганда акс муносабат сифатида санкция қўллаш таклифи илгари сурилган.
РИА манбасига кўра, ушбу ташаббусни парламентдаги турли фракциялар қўллаб-қувватлаган.
«Қонун қабул қилинишидан мақсад — цензурага йўл қўйган тармоқларга киришни чеклаш. Масалан, рус телеканалларининг ижтимоий тармоқдаги аккаунтлари ёпилса ёхуд улар томондан тайёрланган маҳсулотларни намойиш этишга тўсиқлар қўйилса, санкция қўлланади. Иккинчидан, ирқий, миллий ва сиёсий келиб чиқишига кўра, ахборот цензура қилинса ҳам санкция қўлланиши мумкин», — дейди РИА манбаси.
Рус ОАВга кўра, санкция чоралари сифатида тармоқнинг мамлакат ҳудудида ишлашини секинлаштириш, Роскомнадзор талабини бажармагани учун моддий жавобгарлик татбиқ этиш кутилмоқда. Масалан, Роскомнадзорнинг аввалроқ россиялик журналист Владимир Соловьевга тегишли Youtube каналга қўйилган тақиқни олиб ташлаш талаби бажарилмаган.
Мавзуга оид
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024