«Шанхай СИПГ» клуби ҳужумчиси Халк Хитой клубини тарк этганлигини эълон қилди.
![](https://storage.kun.uz/source/6/XXizdN4I24mgTanCUrr3wTPmt0-eNwsc.jpg)
Фото: Getty Images
«Бугун ҳаётимдаги энг муҳим кунлардан бири. «Шанхай СИПГ» билан хайрлашмоқдаман. Бу жамоа мени чин меҳр билан қабул қилган эди. Тўрт йил давомида мени қўллаб-қувватлаган клуб мухлисларига раҳмат. Қолаверса, клуб футболчилари ва раҳбариятидан ҳам миннатдорман. Биз Суперлига ва Суперкубокда зафар қучиб, катта натижа қайд этдик. Қийин дамларда ҳам бир-биримизга ишондик, суюндик ва ғалабаларга ҳам биргаликда эришдик. Бу ердаги фаолиятимдан жуда кўп дўстлар орттириб қайтаяпман. «Шанхай СИПГ»дек катта оиламга чин юракдан миннатдорчилик билдириб қоламан», - дея хайрлашув мурожаатини эълон қилган Халк инстаграмдаги саҳифасида.
Аввалроқ, 34 ёшли бразилиялик форвардга собиқ клублари «Зенит» ва «Порту» қизиқиш билдираётгани ҳақида хабар қилинган эди.