Пан Донг мамлакатда биринчилардан бўлиб суюқ кир ювиш воситаларини ишлаб чиқариши натижасида миллиардерга айланган.
Собиқ кимё ўқитувчиси Пан Донг Хитойнинг энг бой аёлларидан бирига айланди. У кир ювиш воситалари ишлаб чиқарувчи Blue Moon Group Holdings Ltd компанияси бошқаруви раиси ҳисобланади, деб ёзади Bloomberg.
Blue Moon акцияларининг 77 фоизга яқини 8,8 миллиард долларга баҳоланмоқда. Компания кир ювиш воситалари етказиб берувчи Хитойдаги энг йирик корхона ҳисобланади. Донг мамлакатда биринчилардан бўлиб суюқ кир ювиш воситаларини ишлаб чиқариши натижасида миллиардерга айланган.
Маҳсулот ишлаб чиқаришдаги юқори харажатлар сабабли компания дастлаб зарар кўрган. Аммо ўтган йили Blue Moon даромади 909 миллион долларга етди.
Covid-19 тарқалиши 2020 йилнинг дастлабки олти ойида даромаднинг 39 фоизга ўсишига сабаб бўлди. Blue Moon декабрдаги IPO ортидан 1,27 миллиард доллар жалб этди.
