Камбағалликни қисқартиришнинг ягона йўли тадбиркорликни ривожлантиришдир — Жаҳонгир Ортиқхўжаев

Бугун 19 декабр куни Тошкент шаҳар ҳокимлиги мажлислар залида халқ депутатлари Тошкент шаҳар Кенгашининг кенгайтирилган йиғилиши бўлиб ўтмоқда. Kun.uz мухбирининг хабар беришича, йиғилишда Тошкент шаҳар Кенгаши депутатлари, мутасадди ташкилот, муассаса ва идоралар, бошқарма раҳбарлари, шунингдек, кенг жамоатчилик ҳамда ОАВ вакиллари иштирок этишди.

Кенгайтирилган йиғилишда Тошкент шаҳар ҳокими Жаҳонгир Ортиқхўжаевнинг мурожаати тингланди.

Шаҳар ҳокимининг маълум қилишича, президент ташаббуси ва топшириғига асосан, Тошкент шаҳрида йил давомида «темир дафтар», «ёшлар дафтари» ва «аёллар дафтари» тизими йўлга қўйилган. Шунингдек, камбағалликни қисқартиришнинг дунёда исботланган ягона йўли бу давлатнинг ёрдами эмас, балки тадбиркорликни ривожлантириш ҳисобланади.

Шаҳар ҳокимлигида ҳам барча бўғиндаги раҳбарлар билан «Ҳар бир тадбиркорга – кўмакдош, елкадошмиз!” ғояси асосида тизимли ишлар йўлга қўйилгани айтилди.