Туркиядаги коронавирус беморлари даволанаётган шифохонада юз берган ёнғин оқибатида 9 киши ҳалок бўлди

Ёнғин Газиантеп университет ҳоспитали шифохонасининг коронавирус беморлари даволанаётган интенсив терапия бўлимида содир бўлган.

Фото: Anadolu Agency

Туркиянинг Газиантеп шаҳридаги шифохонада кислород аппаратининг портлаши натижасида келиб чиққан ёнғин тўққиз кишининг умрига зомин бўлди. Бу ҳақда Онадўлу агентлиги хабар берди.

Хабарда айтилишича, ёнғин Газиантеп университет ҳоспитали шифохонасининг коронавирус беморлари даволанаётган интенсив терапия бўлимида содир бўлган.

COVID-19дан даволанаётган беморлар бошқа шифохоналарга кўчирилган.

Ёнғин қисқа вақт ичида ўчирилгани хабар қилинмоқда.