Қўшимча функционаллар
-
Тунги кўриниш
Таҳлилчилар Хитой 2028 йилга келиб дунёнинг энг йирик иқтисодиётига айланишини тахмин қилишмоқда
Тахминларга кўра, Япония 2030 йил бошигача дунёнинг учинчи иқтисодиёти бўлиб қолади, сўнгра унинг ўрнини Ҳиндистон эгаллайди.
Фото: REUTERS/Thomas Peter
Хитой илгари тахмин қилинганидан беш йилга эртароқ - 2028 йилда АҚШни ортда қолдиради ва дунёнинг энг йирик иқтисодиётига айланади. Британиянинг Иқтисодий ва тадбиркорлик тадқиқотлари маркази (CEBR) ана шундай тахмин билдирди, деб хабар бермоқда Reuters.
Коронавирус пандемияси ва унинг оқибатларига қарши курашда Хитой АҚШни ортда қолдирди, дея таъкидлайди CEBR. Марказнинг билдиришича, Хитой ушбу вазиятда «оқилона» ҳаракат қилди. Шу билан бирга, вирус ғарб иқтисодиётнинг узоқ истиқболдаги ўсишига зарба берди, дея қайд этади CEBR.
Тахмин қилинишича, Хитой иқтисодиёти 2021-2025 йилларда йилига 5,7 ва 2026-2030 йилларда йилига 4,5 фоиздан ўсади. АҚШни эса 2021 йилда жадал ўсиш кутмоқда, аммо 2022-2024 йилларда ўсиш йилига 1,9 ва кейинги йилларда 1,6 фоиздан бўлади.
Япония 2030 йил бошигача дунёнинг учинчи иқтисодиёти бўлиб қолади, сўнгра унинг ўрнини Ҳиндистон эгаллайди, дейилади марказ тахминида.
Мавзуга оид
14:20 / 28.10.2024
Хитойда учар автомобиллар заводини қуришни бошланди
22:24 / 26.10.2024
Нега инвесторлар ҳамон Хитой компаниялари акцияларига эҳтиёткорлик билан ёндашмоқда?
21:41 / 26.10.2024
BRICS долларни «ғарқ қилишга» қодир эмас – Bloomberg
21:36 / 26.10.2024