Россияга қарашли юк кема Қора денгизда чўкиб кетди
Туркиянинг Бартин вилояти яқинида Қора денгизда Россия байроғи остида сузган “Арвин” юк кемаси чўкиб кетди. Туркия кема экипажини қутқариш бўйича амалиёт бошлаган.
Бартин губернатори Синан Гунернинг маълум қилишича, воқеа Инкуму яқинида юз берган ва кема экипажининг 15 аъзосини қутқариш бўйича амалиёт олиб борилмоқда. Денгизчилар кема чўккандан кейин 3та қутқарув шлюпкасида соҳилга етиб олишга уринишган. Бироқ уларга ёмон об-ҳаво халақит қилган. Гунернинг таъкидлашича, айни вақтда ҳалок бўлганлар ҳақида маълумот йўқ.
Қутқарув амалиёти кема чўккан жойдаги ёмон об-ҳаво сабабли қийинлашган. Воқеа жойига учта кема жўнатилган, бироқ кучли шамол ва тўлқинлар сабабли улар фалокат ҳудудига яқинлаша олишмаяпти.
Бу орада Россиянинг Анқарадаги элчихонаси кема чўкиши тафсилотларини аниқлаштирмоқда.
Мавзуга оид
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024