Туркия яқинида юз берган кема ҳалокатида 4 киши ҳалок бўлди
Туркия яқинида Қора денгизда Россияга қарашли, бортида 12 киши бўлган Arvin юк кемасининг чўкиши оқибатида 4 киши ҳалок бўлди. Воқеа Туркиянинг Бартин вилояти яқинида юз берган.
Маҳаллий ҳокимият кема ҳалокатига ёмон об-ҳаво сабаб бўлганлигини айтмоқда.
4 кишининг жасади аниқланган. Экипажнинг 6 нафар аъзоси қутқарилган.
Бартин вилояти губернатори Синан Гунернинг маълум қилишича, қутқарувчилар кема экипажининг 2 аъзосини қоялардан қутқариб олишга ҳаракат қилишмоқда.
Украина ташқи ишлар вазирлигида экипаж аъзолари орасида 10 украиналик борлиги айтилган. Вазирлик маълумотларига кўра, 5 украиналик ва яна бир давлатнинг фуқароси қутқариб қолинган.
Россия денгиз флотининг таъкидлашича, кема бортида 2 нафар россиялик бўлган.
Россиянинг Анқарадаги элчихонаси дипломатлар воқеа тафсилотларига ойдинлик киритишаётганини маълум қилди. Элчихона ходимлари кемадаги фуқароларга ёрдам бериш учун Бартин портига йўл олишган.
Туркия ҳарбий-денгиз кучлари Қора денгизнинг кема чўккан жойига қидирув-қутқарув ишларида ёрдам бериш учун фрегат жўнатган. Бундан ташқари, қутқарувчиларга вертолёт ҳам ёрдам кўрсатади.
Аввалроқ кема бортида 15 киши бўлгани, улар 3та қутқарув шлюпкасида соҳилга етиб олишга уринаётганлари маълум қилинганди.
Мавзуга оид
22:10 / 25.10.2024
Туркия пойтахтида теракт уюштирганларнинг шахси аниқланди
14:30 / 25.10.2024
TUSAŞ бош директори: Туркия мудофаа саноати ривожига ҳеч қандай ҳужум тўсқинлик қилолмайди
21:06 / 24.10.2024
Терактдан сўнг Туркиядаги ўзбекистонликлар ҳушёрликка чақирилди
19:04 / 24.10.2024