Маъмурий ҳуқуқбузарликлар учун огоҳлантириш қўллаш амалиёти такомиллаштирилади

2021 йил учун давлат дастури лойиҳасида маъмурий жазолар миқдорини маъмурий ҳуқуқбузарликларнинг хавфлилик даражасидан келиб чиқиб мақбуллаштириш назарда тутилмоқда.

Лойиҳада Адлия вазирлиги, Бош прокуратура, Олий суд ва Ички ишлар вазирлигига маъмурий жазоларнинг миқдорини мақбуллаштириш бўйича алоҳида қонун лойиҳасини ишлаб чиқиш вазифаси юкланган.

Шунингдек, қонун лойиҳасида Маъмурий жавобгарлик тўғрисидаги кодексда белгиланган жазо миқдорларини ҳуқуқбузарликларнинг ижтимоий хавфлилик даражасидан келиб чиқиб қайта кўриб чиқиш, жарима тарзидаги маъмурий жазоларнинг миқдорини мақбуллаштириш назарда тутилади.

Бундан ташқари, маъмурий огоҳлантириш қўллаш амалиётини такомиллаштириш вазифаси ҳам белгилаб қўйилган.