Садир Жапаров Россияга сафар олдидан ўз-ўзини яккалаш режимига ўтди

Қирғизистон президенти Садир Жапаров Россияга сафар амалга ошириш доирасида ўзини яккалади.

Жапаровнинг матбуот хизматида таъкидланишича, унинг яқин кунларда Россияга сафари кутилмоқда. Шу сабабли у коронавирус пандемияси ортида эпидемиологик хавфсизликка амал қилиш мақсадида ўзини яккалаган.

Хабарда таъкидланишича, Жапаровнинг Россияга сафарининг аниқ муддати ҳали номаълум. Аввалроқ дипломатик манба сафар 24-25 февралда амалга оширилишини маълум қилган.