Байден Эронга қарши санкцияларни бир йилга узайтирди
Жо Байден Билл Клинтон маъмурияти даврида Эронга нисбатан эълон қилинган "фавқулодда ҳолат" режими бир йилга узайтирилгани тўғрисида конгрессга билдиришнома жўнатган.
АҚШ президенти Жо Байден Эронга қарши 1995 йилда киритилган санкцияларнинг амал қилиш муддатини яна бир йилга узайтирди.
Байден Билл Клинтон маъмурияти даврида Эронга нисбатан эълон қилинган "фавқулодда ҳолат" режими бир йилга узайтирилгани тўғрисида конгрессга билдиришнома жўнатган.
"Эрон ҳукуматининг ҳаракатлари ва сиёсати миллий хавфсизлик, халқаро сиёсат ва АҚШ иқтисодиётига алоҳида хатар солишда давом этмоқда", - дейилади АҚШ президентининг конгресс раҳбариятига юборган билдиришномасида.
1995 йил 15 мартда АҚШ президенти Билл Клинтон Американинг Conoco компанияси ва Эрон миллий нефть компанияси ўртасидаги келишувни блоклаган, 8 майда эса АҚШ фирмаларига Эрон нефть ва газ конларида иш олиб боришни тақиқловчи фармонни имзолаганди.
Мавзуга оид
20:57 / 24.10.2024
Собиқ модел Стейси Уилямс Трампни тегажоғликда айблади
20:17 / 24.10.2024
Бойвачча, шоумен, популист — Доналд Трамп ҳаётига назар
19:26 / 24.10.2024
The Times: Исроил АҚШда махфий ҳужжатлар тарқалиб кетгани туфайли Эронга ҳужумини кечиктирди
12:00 / 24.10.2024