АҚШ конгресси биноси олдидаги тўсиққа машина келиб урилди. Бино «ташқи хавф» сабабли ёпилди
Оқ уй матбуот котиби Жен Псаки брифинг ўтказаётган вақтда бино дарвозаси олдига автомобил келиб урилган ва икки нафар полициячини жароҳатлаган.
АҚШ Капитолийси биноси олдида содир бўлган нохуш воқеадан сўнг бино ёпиб қўйилди. Одамларга бинога кириш ва чиқиш тақиқланди.
Хабар қилинишича, Оқ уй матбуот котиби Жен Псаки брифинг ўтказаётган вақтда бино дарвозаси олдига автомобил келиб урилган ва икки нафар полициячини жароҳатлаган.
«Гумонланувчи қўлга олинди. Офицерлар жароҳатланган. Уларнинг барчаси шифохонага олиб кетилди», — дейилади полициянинг Twitter саҳифасида.
Fox News журналисти Жаки Ҳайнриҳнинг айтишича, Капитолий биноси олдидаги тўсиққа машина келиб урилган. У эълон қилган видеода воқеа жойида кўплаб полиция ва тиббиёт ходимлари борлигини кўриш мумкин.
Мавзуга оид
09:10
Миллионлаб америкаликлар президентлик сайловларида овоз бериб бўлди
22:17 / 23.10.2024
АҚШда чатбот билан мулоқотда бўлиб келган 14 ёшли ўсмир кейин ўз жонига қасд қилди
22:00 / 23.10.2024
Тарихда биринчи марта ота-ўғил баскетболчи NBA ўйинида биргаликда иштирок этди
12:00 / 23.10.2024