Олмазор туманининг айрим ҳудудларида электр энергияси таъминоти вақтинча узилади

«Toshkent shahar ETK» AJ матбуот хизмати хабар қилишича, бугун, 9 апрель куни Тошкент шаҳрининг Олмазор туманидаги «Эски шаҳар» МФЙ, «Қўштут» МФЙ ҳамда «Чиғатой» МФЙларида жойлашган  аҳоли хонадонлари ҳамда тадбиркорлик субъектларида электр энергияси таъминотида соат 10:00дан 18:00га қадар вақтинчалик ўчишлар кузатилади.

«Бундай чоралар туманнинг фидер «Бинафша 1,2» узатмасидан чиқувчи 12-сонли трансформатор подстанциясида мукаммал таъмирлаш ишлари амалга оширилиши билан боғлиқ. Айни вақтда, Олмазор туман электр таъминоти корхонаси ишчи-ходимлари томонидан таъмирлаш ишлари олиб борилмоқда. 

«Toshkent shahar ЕТК» AJ мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун тумандаги ушбу ҳудудларда яшовчи истеъмолчилардан узр сўрайди», – дея хабар беради «Ҳудудий электр тармоқлари» АЖ матбуот хизмати.