АҚШ ва Хитой Жанубий Хитой денгизидаги ҳарбий фаоллигини кескин кучайтирди
АҚШ ва Хитой авиаташувчи гуруҳларининг Жанубий Хитой денгизида бир вақтнинг ўзида пайдо бўлиши кам учрайдиган ҳолатдир.
АҚШ ва Хитой Жанубий Хитой денгизидаги ҳарбий фаоллигини кескин кучайтирди. Денгиз Хитой ва минтақанинг бир неча давлати ўртасидаги ҳудудий баҳслар объекти ҳисобланади.
CNN телеканалининг қайд этишича, Хитой ҳарбий-денгиз кучларига қарашли «Ляонин» авиаташувчи кемаси Тайван яқинида машғулотларини якунлаганидан сўнг шанба куни Жанубий Хитой денгизига кирган. Аммо бу хабар расман тасдиқланмаган.
Ўз навбатида, АҚШнинг Theodore Roosevelt атом авиаташувчиси ва USS Makin Island десант кемаси етакчилигидаги авиаташув зарба берувчи гуруҳи Жанубий Хитой денгизида машғулотлар ўтказган. Гуруҳ таркибида, шунингдек, эсминецлар ва десант амфибия кемалари, қирувчи самолётлар, вертолётлар бор.
ОАВнинг ёзишича, АҚШ ва Хитой авиаташувчи гуруҳларининг Жанубий Хитой денгизида бир вақтнинг ўзида пайдо бўлиши кам учрайдиган ҳолатдир.
Хитой, Филиппин, Малайзия, Бруней ва Вьетнам бир неча йилдан буён Жанубий Хитой денгизидаги Спратли архипелаги борасида ҳудудий баҳс олиб боради.
Мавзуга оид
22:17 / 23.10.2024
АҚШда чатбот билан мулоқотда бўлиб келган 14 ёшли ўсмир кейин ўз жонига қасд қилди
22:00 / 23.10.2024
Тарихда биринчи марта ота-ўғил баскетболчи NBA ўйинида биргаликда иштирок этди
12:00 / 23.10.2024
АҚШ ва БАА Ғазо ва Ливандаги кескинликни камайтириш саъй-ҳаракатларини муҳокама қилди
11:40 / 23.10.2024