Тошкентда 4 нафар қиз хонадондан ўғрилик содир этганликда гумонланмоқда. Улардан бири 12 ёшда

Жорий йил 30 март куни Учтепа тумани Ички ишлар органлари фаолиятини мувофиқлаштириш бошқармасига 19 ёшли Хуршидабону С. мурожаат қилган. Бу ҳақда Тошкент шаҳар ИИББ хабар бермоқда.

Қайд этилишича, у номаълум шахс уйига кириб, 4 000 АҚШ доллари қийматидаги тилла тақинчоқларини ўғирлаб кетгани ҳақида хабар берган.

Мазкур факт асосида Ўзбекистон Республикаси Жиноят кодексининг 169-моддаси 2-қисми (“Ўғрилик”) бўйича жиноий иш қўзғатилди. 

Кўрилган чоралар натижасида гумонланувчилар – 28 ёшли Гулшан Д., 20 ёшли Тўхтагул Д., 19 ёшли Зарина Х. ва 12 ёшли Н.Д. қўлга олингани айтилади.

Билдирилишича, ҳозирги вақтда тергов ҳаракатлари давом этмоқда.