АҚШнинг Қора денгизга йўл олган ҳарбий кемалари Путин ва Байден суҳбатидан сўнг йўналишини ўзгартирди
АҚШ Қора денгизга ҳарбий кемаларини жўнатиши ҳақида 8 апрелда маълум бўлганди.
АҚШнинг Қора денгизга йўл олган «Доналд Кук» ва «Рузвелт» эсминецлари Россия ва АҚШ президентлари Владимир Путин ва Жо Байденнинг телефон орқали суҳбатидан сўнг йўналишини ўзгартирди. Бу ҳақда «Известия» хабар бермоқда.
Нашрнинг ёзишича, икки давлат раҳбарлари мулоқотидан сўнг Америка кемалари Крит оролига кирган ва АҚШ ҳарбий-денгиз кучлари моддий-техник таъминот пунктида бир кун турган. 14 апрел куни кечқурун эса кемалар оролни тарк этган, уларнинг йўналиши ҳозирча аниқ эмас.
АҚШ Қора денгизга ҳарбий кемаларини жўнатиши ҳақида 8 апрелда маълум бўлганди. CNN телеканалининг маълумот беришича, Оқ уй Украинани шу йўл билан қўллаб-қувватлашни кўзлаган.
Пентагон бу маълумотни тасдиқламади, аммо Туркия ҳукумати Қора денгизга иккита ҳарбий кема кириб бориши тўғрисида хабардор қилинганини билдирди.
Кейинроқ АҚШ Анқарага ҳарбий кемалари Қора денгизга кирмаслигини билдиргани тўғрисида маълумот тарқалди. Туркия ташқи ишлар вазири Мавлут Човушўғли кейинчалик бу маълумотни тасдиқлади.
Мавзуга оид
22:17 / 23.10.2024
АҚШда чатбот билан мулоқотда бўлиб келган 14 ёшли ўсмир кейин ўз жонига қасд қилди
22:00 / 23.10.2024
Тарихда биринчи марта ота-ўғил баскетболчи NBA ўйинида биргаликда иштирок этди
12:00 / 23.10.2024
АҚШ ва БАА Ғазо ва Ливандаги кескинликни камайтириш саъй-ҳаракатларини муҳокама қилди
11:40 / 23.10.2024