АҚШ авиакомпанияларига Россия ва Украина устидан парвоз қилаётганда эҳтиёткор бўлиш тавсия қилинди

Киев, Днепр ва Симферопол ҳамда улардан 100 денгиз миляси масофада жойлашган Москва ва Ростов-Дон узра парвоз қилаётганда алоҳида эҳтиёткорликка риоя қилиш тавсия этилган.

Фото: ТАСС

АҚШ федерал авиация бошқармаси Америка авиакомпанияларига Россия ва Украинанинг айрим ҳудудлари устидан парвоз қилаётганда эҳтиёткор бўлишни тавсия қилди, деб хабар бермоқда ТАСС.

Қайд этилишича, Киев, Днепр ва Симферопол ҳамда улардан 100 денгиз миляси масофада жойлашган Москва ва Ростов-Дон узра парвоз қилаётганда алоҳида эҳтиёткорликка риоя қилиш тавсия этилган.

Ушбу тавсия Американинг барча авиаташувчилари ва тижорат операторларига тааллуқли.

Таъкидланишича, мазкур тавсия Украина ва Россия ўртасидаги минтақавий кескинлик чегаравий тўқнашувларга айланиб кетиши эҳтимоли сабабли эълон қилинган.

Аввалроқ Канада Украина устидан парвоз қилиш хавфли экани тўғрисида огоҳлантирганди.

Тайёрлаган Дилшод Аскаров

#Россия #АҚШ #Украина

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.