Қўшимча функционаллар
-
Тунги кўриниш
Ҳакерлар Apple’нинг янги қурилмалари махфий чизмаларини ўғирлашди
Revil ҳакерлар гуруҳи Apple компаниясининг янги қурилмалари махфий чизмаларини ўғирлаганини маълум қилди. Ҳакерлар, шунингдек, компаниядан 50 млн доллар талаб қилишган.
Фото: Reuters
Bloomberg ахборот агентлигининг хабар беришича, ҳакерлар нафақат чизмаларни ўғирлашган, балки АҚШ компаниясига бутловчи қисмлар етказиб берувчи Quanta Computer компаниясининг компьютер тармоғидаги маълумотларни шифрлаб қўйишган. Улар маълумотларни дешифрлаш учун 50 млн доллар талаб қилишган.
Ҳакерлар сўралган пул 1 майгача тўланишини талаб қилишмоқда. Улар айни вақтда Apple’нинг янги гаджетлари ҳақидаги махфий файлларни эълон қилишни давом эттиришмоқда.
Тижорат сири ҳисобланган чизмалар Quanta Computer компьютер тармоғи бузиб кирилгандан кейин ўғирланган.
20 апрелда Apple янги маҳсулотлари тақдимотини ўтказди. Компания бинафша рангдаги iPhone 12’ни, iPad Pro планшетларининг янги авлодини, iMac компьютерларини ҳамда йўқотилган буюмларни топишда ёрдам берувчи AirTags қурилмасини намойиш қилди.
Мавзуга оид
16:48 / 24.11.2024
Хитойлик ҳакерлар АҚШдаги 150 нафар сиёсатчи ортидан жосуслик қилган бўлиши мумкин
18:04 / 23.11.2024
Apple Siri овозли ёрдамчисини ChatGPTнинг рақобатчисига айлантирмоқчи
08:10 / 15.11.2024
Apple BBC, The Insider ва "Эха Москвы" подкастларини Россияда яшириб қўйди
23:31 / 14.11.2024