Apple смартфонлари қимматлайди - Тим Кук бунинг сабабини тушунтирди

Бу ҳақда компания бош директори Тим Кук The Wall Street Journal нашрига берган интервьюсида айтиб, нархлар ўсишини янада жиловлаш имконсиз бўлиб қолганини таъкидлади.

Кукнинг сўзларига кўра, Apple бутловчи қисмларнинг кескин қимматлашини иложи борича қоплашга ва қўшимча харажатларни харидорларга юкламасликка ҳаракат қилган, бироқ вазиятни назорат қилиш жуда қийин бўлиб қолган.

«Таъминотчилар томонидан бизга юкланаётган катта нарх ошишини юмшатиш учун қўлимиздан келганини қилмоқдамиз ва мижозларимизни бу ўзгаришлардан ҳимоя этишга ҳаракат қилдик, аммо вазият беқарор бўлиб қолди», деди у.

Компания раҳбари нархлар қачон ошиши ва бу қайси қурилмаларга таъсир қилишини айтмади.

Шу билан бирга, Apple аллақачон ўз компьютерлари ассортиментини ўзгартира бошлаган: март ойида компания 512 ГБ оператив хотирага эга Mac Studio сотувини тўхтатди ва кейинчалик 599 долларлик арзонроқ версиядан воз кечганидан сўнг, Mac Mini бошланғич нархини 799 долларга кўтарди.

The Wall Street Journal таъкидлаганидек, инқирознинг асосий сабаби сунъий интеллект тизимларини ишлаб чиқаётган компаниялар томонидан хотира чипларига бўлган талабнинг тез суръатлар билан ўсиши эди. Ишлаб чиқарувчилар буюртмаларга улгурмаяпти, шу сабабли оператив хотира ҳам, тўплагичлар ҳам, улардан кейин ўйин консоллари, ноутбуклар ва бошқа электроника ҳам қимматламоқда.