Қайд этилишича, эмланганлик паспортларининг жорий этилиши туризмнинг тезроқ тикланишига ёрдам беради ва жаҳон иқтисодиётига ижобий таъсир кўрсатади.
G20 мамлакатлари туризм вазирлари коронавирусга қарши эмланганлик тўғрисидаги паспорт жорий этилишини қўллаб-қувватламоқчи. Бу ҳақда Bloomberg агентлиги хабар берди.
Вазирларнинг фикрига кўра, эмланганлик паспортларининг жорий этилиши туризмнинг тезроқ тикланишига ёрдам беради ва жаҳон иқтисодиётига ижобий таъсир кўрсатади.
«Биз саёҳат ва туризмнинг тикланиши жаҳон иқтисодиёти тикланиши учун муҳимлигини таъкидлаймиз», — дейилади қўшма баёнот лойиҳасида.
Аввалроқ ЖССТ чегарадан ўтаётганлардан коронавирусга қарши эмланганлик тўғрисида ҳужжат талаб қилмасликни тавсия этганди.
Қайд этилишича, ҳозирда дунёда вакцина тақсимланиши борасида нотенглик кузатилмоқда ва эмланганлик тўғрисида ҳужжат талаб қилиш вазиятни оғирлаштириши мумкин.