Лукашенко 80 нафардан ортиқ собиқ ҳарбийни унвонидан маҳрум қилди
Қайд этилишича, улар давлат хизматчилари, журналистлар ва ҳуқуқни муҳофаза қилиш органлари ходимларига оид маълумотларни тарқатган, хизмат гувоҳномаларини ташлаб юборган, погонларини юлиб ташлаган ва хизмат мажбуриятларини бажаришдан бош тортган.
Беларусь президенти Александр Лукашенко турли куч ишлатиш тузилмаларининг 80 нафардан ортиқ ҳарбий хизматчи ва ходимларини ҳарбий ва махсус унвонларидан маҳрум қилди. Бу ҳақдаги тегишли фармон Беларусь президенти сайтида жойлаштирилди.
Хабарда айтилишича, айрим ҳарбий хизматчи ва куч ишлатиш тузилмалари ходимлари «мамлакатдаги ижтимоий-сиёсий вазият кескинлашган даврда жамиятда норозилик кайфиятини уйғотган, рухсат берилмаган норозилик акцияларида иштирок этган ҳамда тармоққа экстремистик ва зўравонлик ҳаракатларига чорловчи материаллар жойлаштирган».
Бундан ташқари, улар давлат хизматчилари, журналистлар ва ҳуқуқни муҳофаза қилиш органлари ходимларига оид маълумотларни тарқатган, хизмат гувоҳномаларини ташлаб юборган, погонларини юлиб ташлаган ва хизмат мажбуриятларини бажаришдан бош тортган.
«Бундай ҳаракатлар ҳарбий хизматчи ва куч ишлатиш тузилмаси ходими мақомига муносиб эмас», — деб ҳисоблаган Беларусь президенти.
Мавзуга оид
17:53 / 07.07.2021
Литва мигрантларни тўхтатиш учун Беларусь билан чегарада девор қуради
13:35 / 06.07.2021
Бабарико 2020 йилги сайловларда Лукашенконинг асосий рақиби сифатида кўрилганди. Энди у 14 йилга қамалди
17:37 / 03.07.2021
Беларусь Украина билан чегарани қўриқлашни кучайтирди
22:55 / 02.07.2021