Собянин Москвада коронавирус юқтирганларнинг қарийб 90 фоизида ҳиндча штамм аниқланганини айтди

18 июн куни Москвада коронавирус юқтириш билан боғлиқ 9056та ҳолат аниқланган. Касаллик юқтирганлар сони 1,269 млн нафардан ошган.

Фото: Getty Images

Москвада коронавирус юқтирганларнинг қарийб 90 фоизида ҳиндча штамм аниқланди. Бу ҳақда шаҳар мэри Сергей Собянин маълум қилди.

«Биз олган охирги маълумотларга кўра, коронавирус юқтирганларнинг 89,3 фоизида ҳиндча штамм аниқланган», — деди Собянин.

Мэрнинг сўзларига кўра, вируснинг бу тури бошқа штаммларга нисбатан тажовузкор ва жуда тез тарқалади.

«Биз коронавирусга қарши курашиш учун деярли ҳар куни янги шифохона, янги корпусларни ишга туширяпмиз ва зўрға улгуряпмиз», — деди у.

Маълумотларга кўра, 18 июн куни Москвада коронавирус юқтириш билан боғлиқ 9056та ҳолат аниқланган. Касаллик юқтирганлар сони 1,269 млн нафардан ошган.

Шаҳарда янги чеклов чоралари жорий этилди. Бундан ташқари, Москвада ходимларнинг 60 фоизи коронавирусга қарши мажбуран эмланади.

Тайёрлаган Дилшод Аскаров

#Москва #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.