Ҳаити бош вазири вазифасини бажараётган Клод Жозеф истеъфога чиқишга тайёрлигини билдирди. У бу ҳақда The Washington Post нашрига берган интервьюсида маълум қилди.
Унинг лавозимини Ариэл Анри эгаллайди. Ҳаитининг марҳум президенти Жовенел Моиз ўлдирилишидан 2 кун олдин Анрини бош вазир этиб тайинлаган. Бироқ у ушбу лавозимни эгаллашга улгурмаган.
Жозефнинг таъкидлашича, у ўз қарорини Анри билан суҳбатдан кейин “мамлакат равнақи” учун қабул қилган. У ўз ваколатларини Анрига 20 июлда топширади.
Le Nouvelliste нашри бош муҳаррири Франц Дьювалнинг маълум қилишича, Жозеф Ариэл Анри ҳукуматида ташқи ишлар ва дин ишлари бўйича вазир лавозимини эгаллайди.
