Абитуриентларга рухсатнома бериш 1 августдан бошланади

Рухсатномаларни my.dtm.uz сайтидаги шахсий кабинетдан юклаб олиш мумкин.

Рухсатномада тест топшириш санаси, жойи ва шу каби муҳим маълумотлар қайд этилган бўлади.

Эслатиб ўтамиз, имтиҳонлар 5 августдан бошланиб, очиқ стадионлар ва хиёбонларда ўтказилади.

Пандемия сабабли тест топшириқлари сони 105 тадан 70 тага қисқартирилди. Бунинг учун жами 3 соат вақт ажратилади.

Бу йил давлат ОТМларининг бакалавриатида кундузги таълимга 113 530 та квота ажратилган.

37 675 абитуриент сиртқи таълимга, 6 550 нафари кечки таълимга қабул қилинади. Магистратура квотаси – 12 900 та.

Филиаллар ва нодавлат ОТМларда давлат гранти асосида кадрлар тайёрлаш бўйича 500 та квота ҳам бор.