Конго Демократик Республикаси ғарбида бензовоз ва автобус тўқнашуви оқибатида камида 33 киши ҳалок бўлди. Бу ҳақда маҳаллий полицияга таяниб AFP ахборот агентлиги хабар берди.
Автоҳалокат Кванго шаҳри яқинида 1 августга ўтар кечаси юз берган. Транспорт воситалари тўқнашувидан кейин портлаш юз берган ва ёнғин чиққан.
Йўлнинг автоҳалокат юз берган қисми тўсиб қўйилган. Фожиа юзасидан тергов бошланган.