Францияда коронавирусга қарши курашиш бўйича янги чоралар қабул қилинди

Франция конституцион кенгаши пандемияга қарши курашиш бўйича янги чоралар тўғрисидаги қонунни қабул қилди, деб хабар берди Le Figaro нашри.

Нашрнинг маълумот беришича, кенгаш французларнинг қаҳвахона, ресторан ва савдо марказларига киришда санитар рухсатномалар кўрсатишини мажбурий этиб белгилади.

Янги чоралар 9 августдан кучга киради.

Шу билан бирга, конституцион кенгаш коронавирус юқтирганларнинг мажбурий изоляция қилиниши тўғрисидаги модда қабул қилинишини рад этди.

Бундан ташқари, Франциядаги компанияларга эмланишни истамаган ходимлар билан меҳнат шартномасини бекор қилиш тақиқланди.