Фото: Соғлиқни сақлаш вазирлиги
5 август куни Ўзбекистонга ZF-UZ-VAC вакцинасининг 1 млн дозаси олиб келинди. 6 август куни ушбу вакцинадан яна 1 миллион дозаси келтирилиши режалаштирилган.
Шу кунгача Ўзбекистонга ўзбек-хитой ( ZF-UZ-VAC) вакцинасидан 8,5 млн дозада келтирилганди. Ушбу 2 млн доза билан мазкур вакцинанинг жами олиб келинган дозалари сони 10,5 млн.га етади.
Ўзбекистонга ZF-UZ-VAC2001 вакцинасидан яна 10 млн доза, «Спутник V» вакцинасидан 90 минг доза (2-компоненти) ҳам яқин кунларда олиб келинади.
29 июль куни президент Шавкат Мирзиёевнинг Олмалиқ шаҳридаги «Jurabek Laboratories» МЧЖ қўшма корхонасига ташрифи чоғида Ўзбекистонга яна 17,9 млн доза вакцина етиб келиши айтилган эди.
Шундан:
- Moderna — 3 млн доза;
- Pfizer/Bio N Tech — 1,2 млн доза;
- ZF-UZ-VAC-2001 — 12 млн доза;
- Спутник V — 1,7 млн доза олиб келиш режалаштирилган.
