Хитой ва Ҳиндистонда кучли сув тошқинлари рўй берди

Дачжоу шаҳридаги сув омборида сув сатҳи меъёрдагидан 2,2 метр ортиқроққа кўтарилган.

Фото: Reuters

Хитойда тинимсиз ёмғир ёғиши натижасида кенг кўламдаги сув тошқинлари содир бўлди, 80 мингдан ортиқ киши эвакуация қилинди, деб хабар берди Reuters.

Агентликнинг маълумот беришича, табиий офат Сичуан провинциясида юз берган. Дачжоу шаҳридаги сув омборида сув сатҳи меъёрдагидан 2,2 метр ортиқроққа кўтарилган.

Ҳиндистон шимолидаги Уттар-Прадеш штатида 357та қишлоқ сув остида қолди, деб хабар берди NDTV. Сув тошқинларига ёмғирлар сабаб бўлган.

Гонда шаҳрида Гхагхра дарёси тошиши оқибатида бошланғич мактаб вайрон бўлган.