Бугун Ўзбекистонга нисбатан салқин ҳаво кириб келиши бошланади

12 августда кундуз куни Ўзбекистон ҳудудига Қозоғистон орқали нисбатан салқин ҳаво кириб келиши бошланади. Ҳаво бироз булутли бўлиши кутилмоқда. Республика бўйича баъзи жойларда шамол тезлиги 17-22 м/с гача кучайиши мумкин. Ҳарорат 33-38 даража иссиқ атрофида бўлади.

Пойтахтда ҳаво кам булутли бўлади. Шамол тезлиги 12-15 м/с гача кучайиши мумкин. Кундуз куни ҳарорат 34-36 даража иссиқ бўлади.

Тоғли ҳудудларда ёғингарчилик кутилмайди. Шамол 7-12 м/с тезликда эсади, баъзи жойларда 17-22 м/с гача кучайиши мумкин. Ҳарорат 22-27 даража иссиққача пасаяди.