Туркияда коронавирусга қарши эмланмаганларга нисбатан чекловлар кучайтирилади

Фото: AP

Туркияда коронавирусга қарши кураш доирасида 6 сентябрдан вирусга қарши эмланмаганларга нисбатан чекловлар кучайтирилмоқда. Бу ҳақда Туркия президенти Ражаб Тоййиб Эрдўған маълум қилди.

Унинг таъкидлашича, эмланмаган фуқаролар манфий ПЦР-тестсиз оммавий тадбирлар, жумладан концерт, театр ва кинотеатрларга ташриф буюра олмайди. Шунингдек, бундай тестлар самолётлар ва шаҳарлараро автобуслар учун ҳам мажбурий бўлади.

Бундан ташқари, эмланмаган талабалар ва университетлар ходимлари мунтазам равишда, мактаблар ўқитувчилари ва ходимлари эса бир ҳафтада камида 2 марта коронавирусга ПЦР-тест топширишлари керак бўлади.

Эрдўған шу билан бирга мамлакатда коронавирусга қарши эмланиш ихтиёрий эканини айтган, бироқ аҳолини вакцина олишга чақирган.

Тайёрлаган Шуҳрат Раҳимов

#Туркия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.