Самарқанд туманига янги прокурор тайинланди

Самарқанд вилояти Самарқанд туманига янги прокурор тайинланган. Бу ҳақда туман ҳокимлиги ахборот хизмати хабар бермоқда.

Маълум қилинишича, Ўзбекистон Республикаси бош прокурорининг 2021 йил 20 августдаги 1195-рақамли буйруғи асосида Улуғбек Муҳаммадиев Самарқанд тумани прокурори лавозимига тайинланган. Бу ҳақдаги буйруқни Самарқанд тумани прокуратурасида ўтказилган йиғилишда вилоят прокурори Р. Машарипов ўқиб эшиттирган.

Қайд этилишича, У.Мухаммадиев мазкур тайинловгача вилоят прокурорининг вояга етмаганлар ҳақидаги қонунчилик ижроси устидан назорат бўйича катта ёрдамчиси лавозимида ишлаб келган.