Қайд этилишича, қўлга олинганлар Покистон фуқаролари бўлган.
Фото: AP /Wali Sabawoon /архив
Кобулда Туркманистон элчихонаси яқинида ёнида портловчи қурилма бўлган икки нафар покистонлик қўлга олинди, деб хабар берди Hindustan Times газетаси.
«Кобулдан келган ишончли хабарларга кўра, 26 август куни толиблар Туркманистон элчихонаси яқинида ёнида қўлбола портловчи қурилма бўлган икки нафар Покистон фуқаросини қўлга олган», — дейилади хабарда.
Воқеа ҳақида бошқа батафсил маълумот берилмаган.
26 август куни Кобул аэропорти яқинида террорчилик ҳаракати амалга оширилганди. Теракт оқибатида 200дан ортиқ инсон ҳалок бўлган.
